[الشقاوي]

هذآ أنآ يوم أخلف الوقت ظني

الحزن حزني والسوآيآ (سوآيآك)

بكيت وابكيت آلعيون وبكني

تعآل شفني كل ماحآن ذكرآك

كم وآحد جآني بعدك وسألني

شخبآر من حبيت وأقفى وخلآك؟

وأصد والحزن الخفي ممتحني
_
وأن قلت: منهو.؟ قيل: مآهوب يخفآك

قيل: العوض قلت: العوض مآ شحني

والله لآ هذآ ولآ ذآ ولآ ذآك

يآ مآ بعضهم مرني مآ فتني

يآ جعل مآ هم بـ العوض في محيآك

الله لآ يجبر عزآ من عذلني

مآ جآه مآ جآني ولآ جآه مآ جآك

واللي عذل ويقول [لو ولو أني]

[ جعل يعشق له وآحد كنه إيآك ]

مآ فيه شي في حيآتي غبني

ألآ نهآر أقفيت وأنآ أسمع إبكآك

الله من جرح قديم مكني

أمدآك نزفه لكن أدوآه مآ أمدآك

علي كم جآر الزمآن وطعني

أسمع صدى صوت المعآليق تنخآك

وين أنت.؟ ياللي كل مآ غبت كني

وآقف على بآب الأمل وأتحرآك

ليتك تعرف تخون وأقول:[ خني ]

على الأقل ألقى سبب وأتنآسآك

وليت الزمن فـ محبتك مآ خذلني

وليت الهجر من طيب خآطرك ورضآك

لو أن قربك والوصل بـ التمني

مآ غبت عن عيني كثر مآ أتمنآك

خآيف يطول البعد [ وتسج مني ]

[ ويآخذ مكآني ] شخص مآهوب يسوآك

وش عآد أسوي يومك أقفيت عني.؟!

:::: لآ انآ أتبع المقفي ولآ أحب فرقآك ::::

تحياتي :::: الشقاوي

[حنين الماضي]

كلمات في غايه الروعه لها معاني كثيره تجسد صوره ماكتب الشاعر

لاحرمنا جديدكـ اخي في الله

[أبو جاسر]

قصيدة فيها نوع من الحزن والم على الفراق والهجر .


مشكور اخي
الشقاوي

[محمد عطاالله بن سهيه]

صح لسانك يـ الشقاوي


وفالكـ البيرق

[الشقاوي]

حنين + ابوجاسر + وهم


اسعدني مروركم لاصفح ـتي