[احمد عايد الصريبطي]

[BIMG]http://hh7.an3m1.com/Sep/an3m1.com_13539438231.gif[/BIMG]

غاسل ٍ كفـي مـن مصافحـة بعـض اليديـن
وقافـل ٍ بوجيـه أهلها صناديـق البـريـد


وشايفٍ شي ٍ لي أعوام مالـي فيـه عيـن
وقاطـع ٍ خيـط الهقـاوي بسكيـن الوكـيـد



وخالص ٍ من طيـب ظـن ٍ موهقنـي سنيـن
وظاهر لي عقب عرف العـرب عقـل ٍ جديـد



وطايح ٍ من عيني ارجال عنـدي كـان ويـن
وحاقـر ٍ منهـو يقـيـس الأوادم بالرصـيـد



ومحتمي ٍ من غدر الأصحاب في حصن ٍ حصين
ولابس ٍ لرماح الأقراب ثـوب ٍ مـن حديـد



وماضي ٍ منـي علـى اللـي تمشينـي يميـن
ما تجي منهو قريـب ٍ والـى احتجتـه بعيـد



المواقـف تشخـل النـاس والطيّـب يبـيـن
كل عـام يطيـح تسعـه ويصفـا لـي وحيـد



اشهد أن خيـر المـدارس تجـارب الأولين
واشهد ان راي التجارب هو الـراي السديـد



واشهد انـي للبـلاوي علـى الدنيـا مديـن
كـل مـا راجعـت نفسـي طلعـت المستفيـد



وانت ياللي عقبك الزين بيـن البيـض شيـن
مستحيل يطوفك الشعر وانـت اصـل القصيـد



القصيـده فـي عيونـي بدونـك مـا تزيـن
لازم ان اجيـب طاريـك يـا ملـح النشـيـد



انت ياللي مـن بطيـن الفـؤاد الـى الاذيـن
والله ان حبـك مـع الوقـت ما ينقص يزيـد



في غيابك لـك محبـه ولـك شـوق وونيـن
وفي حضورك شف عيوني كلامـي مـا يفيـد



اقهـر الضيقة بذكـراك مـن حيـن لحيـن
وانثر دموعي على الوصل مـن عيـد ٍ لعيـد



لك غلا ً سبحـان ربـي ملـى الدنيـا حنيـن
ولك وفا ً سبحان ربـي مكـن فالكـون غيـد



شف مكانك فـي مكـان ٍ عـن العالـم دفيـن
في مكان ٍ مـن ورى مثـل عيـدان الجريـد



مكرم ٍ حبـك ولـه فالحشا سمـن وسميـن
يقدع من الحـال واصـب لـه بـن الوريـد



افتضحت مـن الهواجيـس بـك فالمسلميـن
كل من سولف علي قلت له وش قلت؟ ..عيـد



الهوى سجن العشاشيـق وأنا لـك سجيـن
وودي ان سجني مؤبـد ولـي حـارس وقيـد



عزتي لي مـن فراقـك عسـى ربـي يعيـن
ادري انه فـي طريقـي ولـو وصلـك مديـد



صابر ٍ غصبا ورى الخشم لو جرحـي مكيـن
ودي افعـل لكـن الله يفـعـل مــا يـريـد



لـ محمد بن فطيس المري

[بشير مسلم]

المواقـف تشخـل النـاس والطيّـب يبـيـن
كل عـام يطيـح تسعـه ويصفـا لـي وحيـد





صح لسان الشاعر


ولاهنت

[احمد عايد الصريبطي]

.. يسلموءء على المــرور

[العالمي]

الله الله ،، هذا ابن فطيس ، اختيار ولاااروع مشكووور

وصح لسان ابن فطيس

[الشقاوي]

اشكرك على ا نتقائك الجميل

ولاهنـــــــــــــت

[احمد عايد الصريبطي]

.. منــورين -

[صـــبا نـــجد]

شاااااااااعر بمعنى الكلمه
اختيار موفق احمد لاهنت