[احمد عايد الصريبطي]

بسم الله الرحمن الرحيم..



السلام عليكم ورحمه الله وبركاته..




اعضاء المنتدى الاعزاء..



اكتب بيت من الشعر يعبر عن حالتك النفسيه..!!

بصراحة شفت هذا الموضوع..وعجبتني فكرته ..

وحبيت اطرحها لكم واتمنى تنال اعجابكم..واستحسانكم..

واتصور ان الفكره .. واضحه من العنوان..

كل واحد يعبر عن حالته النفسيه من خلال بيت شعري سواء كان كاتبة

أو ناقلة أو كان فصحى او نبطي..

اتمنى ان ارى تواصلكم..

^ وانا أول وواحـد يبـدا ..
آمسيت من وصل المواليف مزاح ..
وآصبحت من فراق المواليف مفجوع .

البارحه في غبه الوصل سباح ..
و اليوم من عرش المواصيل مخلوع ..

[صـــبا نـــجد]

و توحشني .. !!
و انا اللي حالفه يوم الخطا .. لا آصد
و أروح أبعد .. و أقلك عِـدْ ..
و يهزمني الوله .. و آرد
أجي قسوه .. بها قلب الوصل نافر
و أعوّد بك .. أقول : الذنب له غافر !!
على هالحااااااااااااااااال
ليالي طواااااااااااااااااال
ترد تخطي ..
و أرد أبعد ..
و أغيب أكثر و اقلك عِـدْ ..
............... و توحشني .. !!

[صـــبا نـــجد]

في عيوني ورد...والخفاق كادي
في جنوبي عز...واليمنى كريمه
داخلي فارس سبب كل اعتدادي
ضلع اعوج لاكن امشي مستقيمه
اغضب والحساس مرهف غير هادي
هي عيوني المستجده والقديمه
بالعقل اندادواعلنها وانادي
انا انثى...لكن ارائي حكيمه

[الشقاوي]

تَعَبت أشيـل الهَم عنّك وأداريك
وإنتَ همومـي ثقلَهَــا مـا يهمِّك !


لا يا ( حبيبي) .. الزمن لا يخليك
تقسى على قلبي وتسقيه سِمِّك !


[ دِ نْ يـَ ا كْ ] هذي , لا تغيِّر مباديك
مهما إستطعت الظلم إعدل بحكمك !


ما هي غريبه من يذمِّك يماشيك
لكن غريبـــه يمدحك من يذمِّك !!

[احمد عايد الصريبطي]

.. أبدآع صبا نجددد .. يسلموش على المرور

[احمد عايد الصريبطي]

ما هي غريبه من يذمِّك يماشيك
لكن غريبـــه يمدحك من يذمِّك

.. صح لسآن من قالها - وذوق ب الاختيار - يسلموشش على المرورُ ي الشقاوي

[بشير مسلم]

يا صاحبي لا ماتضيق الوسيعه
اجل وش اللي يربط الناس بالناس؟
الضيق ماهو فالاوادم طبيعه
والادمي لاضاق (تغنيه) لاباس
واللي يضيق خاطرك في صنيعه
حاول تمثل كن ماعندك إحساس
واللي يبيعك ماهو لازم تبيعه
لازم تكون انت الذهب دامه انحاس

[أبو مازن]

هذي هي الدنيا متاهات واحزان

كلاً يدور راحته ما لقاهاااااااا

تبي لها صبر مع شوي كتمان

مع ضحكةً تخفي دموعك وراهااااااا

[احمد عايد الصريبطي]

طول سواليفـــك معــي ..
صوتــك ، يهدد مسمعــي ،

حتــى سكوتك سالفــه ..
وعيــونك الحلوه حـكي 3>

[صعب تفهمني]

مدري علامي دايم الدوم محتاس

متكدرن والنوم ماقد صفالي