[شووق]

بشّر .. .

عسى جازلك بُعدي وتقصيري ؟

علّ وعسى عايش الأيّام ~

في راحه .. .

كاني متعّب قليبك ؟
- حب لك غيري !
قدري تعرفه بعدما تحضن ،
جراحه .
ياشاغل البال .. .
لايشغلْك تفكيري |
حتى ولو شفت قلبي فاقد أفراحه .
ماهي غريبه :
تخون العش ياطيري ،
أغلَب قلوب الحبايب .. .
ماهي مرتاحه !

ياللأسف ! خيّبت كل الرجا فيك ..

___________ أقول راضي وآنا ماني بـ راضي !

إن كنت لك تحصيل حاصل بـ أسمّيك :

___________ أفشل علاقه في حياتي وماضي .

دنياك باكر يـ أسود القلب تشقيك ،

___________ تبطي .. ولا تلقى أحد في بياضي !

الله بلاني فيك .. واللـه يهديك |

___________ كل ماترستك حُب ألقاك فاضي !

جيتك من أقصى رغبتي لك ويكفيك .. .

___________ إنّي عطيتك كلّي وكنت راضي .

مابه عداله بيننا ولازم أنهيك ،

__________ مفروض يحْكُم بين الأحباب قاضي !

عيني تشوفك وإنعمت عن بلاويك |

_________ من كثر ما أحبك غفل إتعاضي !

والحين من قلبي طردتك ولا أبيك ،
___________ أرض التواصل والمفارق أراضي .


ببدا بهذا اليوم رحلة تناسيك :
___________ مافيه داعي للرضا والتراضي !

لاصرت مشغول بحياتك أخليك ،
___________ بروح ادوّر لي على قلب { فاضي } .

في شي فيني بْـ غيابك ~
ناقص !

شكّكتني في قلبي و .. .
إخلاصه .
القلب طيرك :
وكِّدَه يا قانص !
لايْضيع منّك ،
واجد القنّاصه .

الشاعر / أحمد الصانع

[صـــبا نـــجد]

[align=justify]راق لي ماخترتي
واصلي ابداعك..[/align]

[الشقاوي]

يعطيك العافيه

[فتنة بدو]

سعيده بعودتك شوق نورتي

[شووق]

تسلموون ع المروور

فتنه بدووو

انا اسعد طال عمرك

تحياتي وبااقه ورروودي