[صـــبا نـــجد]

يقول المسافر باول كلامه
عسى يالله ياصلكم كلامه

كلامي ياعرب سلم وتحيه
على وضح النقى طيّر حمامه

تنقيت الاصيله من نياقي
علاها من وسم ربعي علامه

وجيت أسعى وجت تسعى جهدها
وثار الشعر فوقي كالغمامه

تهل مزونها ماهيب فرحه
تهل مزونها حزن وغرامه

مدام إني نقلت ورحت عنكم
ببدل غترتي وألبس عمامه

وبحزن ثم ابحزن ثم ابحزن
ولا يفيد الحزن ويا الندامه

هذاك اليوم تجمعنا إنتعارف
وهذا اليوم بقول امع السلامه

آلا ياقصر الايام الجميله
ولا ياطول ليلي مع نهاره

ليا منّي ذكرت إنّي بفارق
أهل نخوه وأهل طيب وشهامه

عرفت إن الرجل لا بد يرحل
ويبقى ذكره ليوم القيامه

عسانا بس تجملنا عسانا
وبعير المجد من يلحق سنامه

الا ياوجد حالك يامسافر
وجود اللي يبا شوفة عمامه

خذته أمه وهو توّه صغيّر
وتربى عندها بليا كرامه

يجون عيال خاله يضربونه
وهو صابر ولا يلقى طعامه

يخاف يقول لمّه ثم تبكي
أبوه اللي توفي في تهامه

ذا حال المسافر يوم يقلع
به الطيار وهو ناسي حزامه

يفكر في عرب راح وتركهم
تغلغل حبهم داخل عظامه

عسانا بس تجملنا عسانا
وبعير المجد من يلحق سنامه

هذاك اليوم تجمعنا انتعارف
وهذا اليوم بقول امع السلامه
م/ن

[بشير مسلم]

آلا ياقصر الايام الجميله
ولا ياطول ليلي مع نهاره

ليا منّي ذكرت إنّي بفارق
أهل نخوه وأهل طيب وشهامه

عرفت إن الرجل لا بد يرحل
ويبقى ذكره ليوم القيامه

عسانا بس تجملنا عسانا
وبعير المجد من يلحق سنامه


صح لسان شاعرها

من جد كلمات فيها موسيقى

تلامس قلب منهو زاد همه
ولاحد قال عن حاله علامه
ابيات غصب عني الحنها
ابيات شاعر اعجبني كلامه

صح نقلك اختي على هذه اللوحه الفنيه الجميله

شكرا لك وننتظر هكذا شعر

[ملـفت آلـآنظـآر ..]

آلله على هـآلـآنتقاء آلمميز .. وآلكلـآم آلجميل ..

آستمعت بقرآتهـآ ..

وبنتظـآر جديدك ..

تقبل مروري ..

[صـــبا نـــجد]

شاكره لكم هذه الحفاووه والتميزاسعدني جدا مروركم