منتدى الصرابطة الرسمي - عادي واذا يعني حبيبي هجرني !!!

http://www.azqtr.com/up//uploads/ima...ee654ee30c.png

عادي واذا يعني حبيبي هجرني
ماهمني لاهو ولا اللي يقولون

كم واحد قبله وفيت وغدرني
ما قامت الدنيا ولا صرت مجنون

وان كان قصدك بالخساره خسرني
وان كان قصدك بالعطايا يولون

محد على ذيك العطايا جبرني
وشرواي لامنهم عطو مايمنون

شي خذيته من ابوي وشهرني
الطيب اللي حي لو كان مدفون

وبالشده اذكر بالرخا من ذكرني
واجيه انا من اقصاي لا صار مغبون

واتعب على منهو جرحته وعذرني
وامسك عليه اليا خطا كلمة اتمون

واسهر عشان اللي تعبت وسهرني
وكانه سهرني بعين ابسهر له عيون

واشكر كرم منهو عطيته وشكرني
والله يسامح من خذا وقال مديون

رح للذي تو ماعرفني وخبرني
وقله ترا نصار كلمني هاللون

كل الجفا اللي منهم ماعسرني
صاروا معي والا علي مايهمون

لي الشرف غير الزمن ما كسرني
اطيح واضحك له وانا كلي اطعون

حتى لو طيبي لعبي ودمرني
اموت لي منه ولا اموت ممنون

وصحيح انا طيب وعقلي كبرني
لكن اذا ضاقت علي صرت مجنون

لـ نصـار الظفيـري