[حنين الماضي]

لاوداعي صمت ولاصمتي وداع
عادة المحبوب لازم ينتحي

لوتعيش العمر كله في وساع
كل صفحه من حياتك تنمحي

ولاتعاتبني على كل شي ضاع
عادة المخلوق لازم يستحي

ياكثر ماشفت بلجمله يباع
وسط سوقن مايطبه ملتحي

وياكثرماعشت حزات التياع
يوم بعض الهم ينحاني نحي

كم مره طحت من راس ارتفاع
بس مكاني هو مكاني منتحي

والف مره وصلت الوي اذراع
لن قريب الناس يعرف مذبحي

الهموم احيان في قلب الشجاع
تسهره بليل حتى يصبحي

ومن يجرب عض من ناب اسباع
يعرف ان هناك عضه تذبحي

وكل ماهب الهوا وفل الشراع
قلت اكيد اليوم هذا مربحي

والله انه احر من صمت الوداع
يجرحك منهو تحب وتستحي

صح لسانك قصيده جميله جدا راقت لي

بانتظار المزيد من اشعارك