[احمدعيدالقرعاني البلوي]

ياعين لالا تهلي صافي العبره
مافيه داعي على الانذال تبكيني

وياقلبي اللي تلم الهم والحسره
وشلون يطري عليك انسان ناسيني

وياكفي اللي حفر فاصابعه قبره
تعبت اصافح كفوفن ماتدانيني

وياصدري اللي نفذ من داخله صبره
الصبرخلص والابه من يواسيني

وساقي اللي انكسر ولالقى جبره
عن دار ناس (ن) تجيب الهم عديني

احلامنا كلها بالحزن منقبره
تكفين ياساعة الاحزان خليني

هذا زمن نادر اللي مالقى غدره
يادنيتي احصي الاعداد واحصيني

دموعنا خلف جفن العين مستتره
ماباقي الا الكرامه لاتذليني

والبرد جانا ومانملك سوى الغتره
والمشلح اللي علي ماظن تدفيني


وسلامتكم