منتدى الصرابطة الرسمي - وش تسوي لو عشقت إنسآن مآهو مِن نصيبك

منتدى الصرابطة الرسمي (http://www.srabta.com/vb/index.php)

- عذب الكلام وهـمس القوآفي (http://www.srabta.com/vb/forumdisplay.php?f=28)

- - وش تسوي لو عشقت إنسآن مآهو مِن نصيبك (http://www.srabta.com/vb/showthread.php?t=1643)

وش تسوي لو عشقت إنسآن مآهو مِن نصيبك

وش تسوي لو عشقت انسان ماهو من نصيبـك

لا لك بهالوضع يد .. و لا له بهالوضع سبه !!

وشهو ذنبك لو غدى من بين خلـق الله حبيبـك

تعرف إن قربه محال .. و قلبك مصمم يحبه ؟!

و انته متأكد و عارف يب يجي يوم و يسيبـك

يعني متوقع بأي لحظه يغيـب و تغتـرب بـه

كل دربٍ يرحل بطيفه .. على وجهك يجيبـك

كل حرفٍ يُكتب لغيره .. تحسه منكتب بـه !!

كن كل عيـون خلـق الله عيـون ٍ لـه تذيبـك

تنثر احساسك جمر ملح وْعلى جرحك تصبـه

و اللي كاسر ظهر قلبك و بشقا الدنيا مصيبـك

عارفٍ بانّك تحب .. و ما يعَرْف انّـك تحبـه

ساكن ٍ بأصغر تفاصيلك و قلبه مـا دري بـك

ماكن ٍ بأقصى معاليق الكيان اللـي لعـب بـه

وش تسوي لو مرضت بعشق من وصله طبيبك

و انتْ عارف لو ذبحك العشق ما داواك طبه !!