منتدى الصرابطة الرسمي - أحبك ريح تنثرني قصايص مالها تجميع

منتدى الصرابطة الرسمي (http://www.srabta.com/vb/index.php)

- عذب الكلام وهـمس القوآفي (http://www.srabta.com/vb/forumdisplay.php?f=28)

- - أحبك ريح تنثرني قصايص مالها تجميع (http://www.srabta.com/vb/showthread.php?t=2065)

أحبك ريح تنثرني قصايص مالها تجميع

أحبك طفل ٍ أعمى ماسك ٍ ثوبك يخاف يضيع
وأحبك شايب ٍ قرب يموت بغيبة عياله

وأحبك نظرة عيون ٍ غزتها حسّرة التوديع

وأحبك وردة ٍ ماتت ولا جا اللي بتهداله

وأحبك منظر الثلج إن بدا فوق السفوح يميع
كأنه دمعة الحر السنافي بين عذّاله

وأحبك غيم عيّا لأمر نفخات الهبوب يطيع
حلف مايعطي إلا الجنتل نزف الحب وظلاله

وأحبك ريح تنثرني قصايص مالها تجميع
وأحبك شي في نفس العطر ليديك ماقاله

وأحبك صرخة ٍ فيها سوالف رحلة التلويع
وأحبك عاشق ٍ ماتت حبيبة عمره قباله

وأحبك سر مايخفى ولايمكن بيوم يشيع
وأحبك شمع كله ذاب مايدري من أضواله

وأحبك مجلس أجواد ٍ مشرع بابهم تشريع
والى جا من هجدهم قبل يقعد جاه فنجاله

وأحبك غبنة ام ٍ عقدها ياللأسف مابيع
ولدها صابه اللي خذ قبل حول السنه خاله

وأحبك طفلة ٍ تحبي على صدري وأخاف تضيع
وأحبك شايب ٍ ضمّ وكسر ضلع أصغر عياله

منقول لذائقتكم

رد: أحبك ريح تنثرني قصايص مالها تجميع

قصيدده رآآئعه ..

وأحبك منظر الثلج إن بدا فوق السفوح يميع
كأنه دمعة الحر السنافي بين عذّاله

يعطيك آلعـآفيه بشير على هـآلنقل آلمميز ..

ودي لــك

رد: أحبك ريح تنثرني قصايص مالها تجميع

الله يعافي قلبك ونبضك

شكرا لطلتك المميزة

رد: أحبك ريح تنثرني قصايص مالها تجميع

قصيده اكثر من رائعه أعجبتني كثيرا مشكور علي هالطرح الله يعطيك العافيه