[أبو مازن]

قصيدة بعنوان

( يالله ياللي )

وبالمناسبة فهذه القصيدة للشاعر عايد بن سالم بن عيد الصريبطي البلوي إمام وخطيب جامع قرية أم ضباع لصاحب

السمو الملكي الامير عبدالعزيز بن ماجد امير منطقة المدينة المنورة وذلك لزيارتة لديار بلي

يــا الله يـالـلـي تـعــم الـخـلـق خـيـراتـه = = محصـي جميـع الخلايـق وأنـت واليهـا
من فوق عرش استوى ويليق في ذاته = = وكـيـف اسـتـوى هــذا الله عـالـمً فيـهـا
نسـألـه عـفـوه وغـفـرانـه ومـرضـاتـه = = فــي سـاعـة تـذهــل الـعـالـم دواهـيـهـا
يـامـرحـبـا يــاهــلا تـرحـيــب مــرآتـــه = = الـطـيـب والـعــز و الـرفـعـة لراعـيـهـا
أهـــلا هـــلا بـــه وحـــي الله سـاعـاتـه = = أميرنـا الـلـي عـلـوم الخـيـر محصيـهـا
عـبـد الـعـزيـز الـــي الله عـــز شـبـاتـه = = بالديـن و الخـلـق و الـجـزلات يعطيـهـا
طـبـي وأمـيـر لطـيـبـة طـابــت أوقـاتــه = = ولـه ريحـة الـورد و الياسميـن نهديهـا
فـرح القطـاع الشمـالـي فــي زيـاراتـه = = والله يحـفـظـه ويـكـتـب لـــه حسانـيـهـا
هــذا الأمـيـر اللبـيـب الـلـي طموحـاتـه = = وده يـعــز المـديـنـة مــــع ضـواحـيـهـا
مـن عـز أبـو متعـب اللـي عـز رايـاتـه = = مليـكـنـا الـلــي ملـكـنـا مـــن مـبـاديـهـا
ملـك قلـوب البشـر مـن طيـب هقـواتـه = = ويـسـتـأهــل الـعـالـيــة والله مـهـيـيـهـا
الله يــعــزه ويـكــتــب لـــــه مـســراتــه = = ويجـزاه فـي خيـر دايـم فــي مساعيـهـا
الشعـب يرفـع لــرب الـعـرش دعـواتـه = = انــه يحـفـظ الـوطـن ويـحـفـظ حامـيـهـا
مـــع الـــدول كـلـهـا عـــزز عـلاقـاتــه = = وأقــوى علاقـاتـه مـــع الله مايخلـيـهـا
ومـقــاطــع الـدنــمــارك ورد بـيـعـاتــه = = حفـظـا لشخـصـيـة الـهــادي مسمـيـهـا
فرض على الشعـب حبـة مـن فعولاتـه = = وصورته حتـى علـى المواتـر نسويهـا
ودايم على الخير لأهـل الخيـر فزعاتـه = = والمملـكـة فــي صــروح الـعـز بانيـهـا
و ولـي عهـده سلطـان الخـيـر نظـراتـه = = نـظــرات مـؤمــن صـــلاة الله يصلـيـهـا
الطيـب فـي وجـهـه الأبـيـض علامـاتـه = = هــذي حقيـقـة وكــل الـنــاس ترعـيـهـا
ومليـكـنـا الـلــي علـيـنـا زاد حـسـنـاتـه = = نعلـن لـه البيعـة و الـلـي نفتـخـر فيـهـا
ونـقــول لا - لا - لـلإرهــاب وأدواتــــه = = والله يــذل الخـبـول الـلـي مـشـو فـيـهـا
والـديـن حـنــا أهـلــه سـنـتـه و آيـاتــه = = ولــكــن هــــذي فــتـــن والله يـعـديـهــا
ونــقــول حــنـــا لـعــبــدالله وخـدمــاتــه = = لـك ياملـك يـاوطـن تـرخـص غواليـهـا
يشـهـد لـنـا بالـكـويـت وحـشــد قـواتــه = = ثلاثة أشهداء من ذي الديـرة وأهاليهـا
يامـيـر حـيــاك مـــن رافـــع سـمـواتـه = = الله يـحـيــيــك وجـــهــــودك يـحـيـيــهــا
أمـيـر مـثـل المـطـر فــي كــل جـولاتــه = = تباشـر أهـل القـرى مـن يـوم جـا فيهـا
وحيـا الله اللـي معـك فــي كــل حـزاتـه = = ابــن السـديـري عـلـى العلـيـا معلـيـهـا
حـيــاكــم الله وزاد الـحــفــل فـرحــاتــه = = والحفل وأهل الحفل واللي حضـر فيهـا
يـا أميرنـا اللـي فـروع الخيـر ميـزاتـه = = فضـلاً بـلا أمـر شـف قرانـا ومـا فيـهـا
الــخـــط يـأمــيــر تـتـعـبـنــا مـطـبــاتــه = = والكـهـربـاء فـــي ثلاثـمـائـه نضـويـهـا
والـعـلــم طـلابـنــا مـاتـلـحــق نـهــاتــه = = إمــــا تــــروح الــمــدن و إلا تخـلـيـهـا
وأقـرب مستوصـف لنـا تبعـد مسافاتـه = = خمسـة وعشريـن كيلـو جبـر نمشيـهـا
والـمــاء قـلـيـل ولا نـنـســى مـأسـاتــه = = مـشــروع مايـمـكـن الـعـالــم يكـفـيـهـا
أنــت سـمــو الأمـيــر الـلــي حكـايـاتـه = = أعـجـز بـهـذه الدقـايـق أفــي أحسـيـهـا
أبــوك مـاجــد مـــع الـتـاريـخ وقـفـاتـه = = مـا يمكـن الوقـت مهمـا طــال يمحيـهـا
وجدك على أسمك حديث صحـة رواتـه = = مـاهـي سـوالـف تقـطـع مــن مثانـيـهـا
ضـــم الـجـزيــرة وحــدهــا بـصـولاتــه = = والحكم بالسيـف ليـن أصبـح مساويهـا
وخـلــف أســـود لـعــز الـمـجـد لـفـاتــه = = والـفـضــل لله فــــي أولــهــا وتـالـيـهـا
يـــا أمـيـرنـا يالفـهـيـم الـلــي مهـمـاتـه = = رضـا المواطـن وكـل النـاس يرضيـهـا
يالله عـسـى ماتـشـوف الـشـر وآفـاتــه = = ويحفظـك مــن يحـيـي العـالـم ويفنيـهـا
هـــذا كـــلام بـلــوي وأقــبــل تـحـيـاتـه = = تقديـر مـع شـكـر مــع عـرفـان يثنيـهـا
وصـــلاة ربـــي وتسـلـيـمـه وبـركـاتــه = = عـلـى رســـول رسـالــة حـــق مـديـهـا