[صـــبا نـــجد]

[frame="1 80"]السلام عليكم ورحمة الله وبركاته


آخر ماقالته الشاعره الكبيره المرحومه بإذن الله ( عابرة سبيل ).

قبل وفاتها بساعات ووجهتها لزوجها..

عندما خرجت من المستشفى سوالهـا زوجها ذبايح فرحا بعودتـ زوجتهـ الغاليهـ

لكنهـا لمـ تدمـ إلا قليلا حيثـ وافتهـا المنيهـ بعد خروجهـا جراء المرضـ .

وهذهـ الابيـاتـ توضح و تبين ثبات المؤمن وقبوله بقضاء الله وقدره






ومـا تحتـويهـ منـ عبرة كبيرة للمؤمن

وأن كل إنسان سائر على هذا الطريق

وأن الكل راحل لامحاله إن طال عمره أو قصر


أترككمـ معـ آخـر دررهـا
:::



ترى الذبايح و أهلها ما تسليني
أنا أدري إن المرض لا يمكن علاجه



أدري تبي راحتي لايا بعد عيني
حرام ما قصرت يديك في حاجه



أخذ وصاتي وأمانه لا تبكيني
لو كان لك خاطرٍ ما ودي إزعاجه



أبيك في يديك تشهدني وتسقيني
أمانتك لا يجي جسمي بثلاجه



لف الكفن في يديك وضف رجليني
ما غيرك أحدٍ كشف حسناه واحراجه



أبيك بالخير تذكرني وتطريني
يجيرني خالقي من نار وهاجه



سامح على اللي جرى ما بينك iوبيني
أيام نمشي عدل وأيام منعاجه



همي عيالي وأنا اللي فيْ كافيني
علمهم الدين تفسيره ومنهاجه



رحم الله الشاعره عابرة سبيل وموتي المسلمين اجمعين

وبعد وفاتها رد عليها زوجها بهذي القصيدة الرائعة والمؤثرة:

:::


حاولت أنام وحاربت عيني النوم **وجاريت صوت مثل صوت الذيابـــه



الجفن كنه بوسطه هـــــــــزوم ** ودموع عيني مثل رش السحابـــــــــه



على وليف ( ن) قالوا اليوم مرحوم ** راح وتوفى ما تهنا بشبابــــــــه



زرت القبور اللي على بعضها رسوم ** و حطيت رسم فوق ذيك النصابـــه



قلبي من الدنيا عليل ومسموم ** والرسم توه عقب حطت كتابــــــــــــــه



أحبها مير القدر صار مقسوم **و تحبها كل الأهل والقرابـــــــــــه



الموت أخذ شجعان وقروم ورخوم **وأخذ رسول الله وكل الصحابـــــــه


الله يرحمهـا ويرحمـ جميعـ أمواتـ المسلمينـ

مما راق لي وإستحسنته[/frame]