منتدى الصرابطة الرسمي

[frame="7 80"]
بسم الله الرحمن الرحيم

يابوي في صدري هواجيس وهموم
واللي برك للحمل لازم يشيله

قد لي شهر ماذاقت عيوني النوم
ياكود غفوة ذيب في كل ليله

ادوّر الراحه عسى خير مقسوم
وشلون صارت راحتي مستحيله

يابوي وانت إسمك مقدّر ومحشوم
وإن تاهت اقدامي تراك الدليله

تعبت وانا قبّل جباه وخشوم
واجامل اللي مانفعني حصيله

صارت حياة الناس من يفرق السوم
واللي مامعه فلوس ياعزتي له

قلوا هل الناموس ذباحة الكوم
كثروا مزودة الهروج القليله

زادوا هل النمات طرادة اللوم
هذا تحكي فيه وهذاك تحكي له

شفنا شيوخ الاسم من غير مرسوم
اهل البشوت اللي كممها طويله

لو إنها بالسيف ومناطح القوم
وإمداحم الفرّيس يوم الدبيله

في ذمتي إن تشوف شجعان ورخوم
وتشوف بعض الناس يومي شليله

لكنها شيخة دنانير وختوم
شيخ الدراهم فوق شيخ القبيله

وانا لاني ظالم ولانيب مظلوم
لكن علي حمول بقعا ثقيله

اجابه الدنيا ولانيب ملزوم
اطرد ورى برقٍ سرى في المخيله

والله مايشحني راع الكبر والزوم
وراع الجميله اللي يمنّ بجميله

رفيقي اللي مانفعني ولا يوم
اخير من رفقته شوف الحليله

رفيقي اللي فالشدايد معي دوم
نذرٍ عليّ إني ما ادوّر بديله

مما راق لي
للشاعر فهد المكودر القحطاني [/frame]