[صـــبا نـــجد]

من جد زعلان مالك بالزعل داعـي

مغليك يغليك يالمزيـون عـدي لـه

زلة وزليتهـا تلـوي لـي ذراعـي

يومين والهاتـف المطلـوب تقفيلـه

ماتنتبه في حقـوق الحـب وتراعـي

ضاميك وين الوصل شحّت مخاييلـه

تعال جفـن الغـلا ماناملـك واعـي

طلة عيونك لجفـن العيـن تكحيلـه

عاشقك مشتاقلك يازيـن الأطباعـي

من شافني وإشتياقي قال عـزي لـه

حبي سفينـة وحبـك كنّـه شراعـي

والهجر موجن (ن) ومالي بالبحر حيله

عبدالناصر سعود