[صـــبا نـــجد]

قصيدة دحيه

للشاعر/عقيلي بن نايف المجلاد

دحولي يهل الشمالي
دحيه بالصوت العالي
صفو ياربعي اقبالي
والليله نبي دحيه
تعالوا ياولادِ عمي
ياعصبة راسي وْدمي
يمكن ياشاركتو همي
يرتاح القاف وْراعيه
ابطلق للفكر اعناني
وانضم من زين المعاني
قصيده بحلى الالواني
يفوح المسك بْقافيه
ياماحلا شرب الدله
في مجلسً مابه زله
خطاره دايمً فله
ماتلقى ناسً اذيه
والمجلس اللي تلقابه
ناسً اتهدم اطنابه
وتخرب مابين اصحابه
ابتعِد عن محاريه
ياللي تدوّر من شِعري
الزله والله لْتزري
لو تسهر ليلك والفجري
ماتلقى في شعري سيه
يالحاقد وش محرق رزك
رح قله اللي يوزك
كلامك هذا مايعزك
يسبب لك حساسيه
وانا قصيدي صحيبي
ماكتبته لجل ِ جيبي
ارمي المعنى واصيبي
شعري بدراً لامع ضيه
والعنب اللي مايطوله
حامضً عنه يقوله
والوحش ياشفتِ زوله
إبتعد عنه ياحديه
وإذا تبيها فعايل
ربعي لطامة العايل
دهامشه من صلب ِ وايل
مابهم نفسً رديه
وانا احمد الله مجلادي
امعربً ساس اجدادي
ياويل ِ من جانا امعادي
ننطنخ في وقت الهيه
وإن برّك جملنا وحدد
كم جثة شيخً تمدد
لانهاب ولانْتصدد
نارد حْياض المنيه
والهبايب لو تهبي
من كلِ صوبً وحدبي
صدقني مايهتزِقلبي
اقف وعظامي قويه