منتدى الصرابطة الرسمي - يعني افترقنــا..ماتجي عنك اخبار؟؟

يعني افترقنــا..ماتجي عنك اخبار؟؟

::::::ودي اعــرف بغيبتــي وش تسويـــن

ودي اعرف لضحكة القلب وش صار

::::::وشلــووون لما للسوالــف تحنيــــن

للحين ضحكاتــك نواويــر وازهـــار

::::::للحين بسماتـك بهـا بـــرد تشريــــن

للحينها عيونـك بها بـرق وامطـــار

::::::بعــدك لا منــه طــرا البعــد تبكيــــن

للحينها تجــري تحت كفك انهـــار

::::::وللحين وسط المحفظه صورة الشين

بعد الوساده تكتنــز كل الاســـرار

::::::بعدك تصليــن الشفع.. ولا تناميـــن

هي بعدها يدينك بها نور وسـوار

::::::هو بعده الدولاب حــزن الفساتيـــن

احمر شفاتك ظل في لونه النـار

::::::اذا بهــت مثــل الزمــن ,,لاتقوليـــن

بعد الشدو يعمل على عينك حصار

::::::بــاقــي حزينــه بكلتــك والتلاويــــن!!

باقي الحمام اللي على ليل وجدار

::::::للحيـن يبكـي لك ..وانتــي تغنـيــــن

باقي عصافيرك على نفس الاشجار

::::::هي نفسها(الركوهـ)ونفس الفناجيــن

للحين باقي لي معــك اي تذكــــار

::::::عطـــري بقايـــا ساعتي ..والدواويـــن

شفتي افترقنا وين ودتنـا الاعمـــار

::::::شفتي كبرت..وصــار عندي بــزاريـــن

ماعدت ادور لاجل اراضيـك اعــــذار

::::::ماني مصدق ..صــار عـادي تغيبيـــن

الله يسهل لك مشاويــر واسفــــار

::::::وتفتح بوجهك ..وين ماانتي تروحيــن

وقولي عشقني بس خانته الاقدار

::::::والا اتركيهــــا ..واسكتـي لاتقوليـــن

لحظة ذكرتك طاح عن وجهي ستار

::::::وقمت اتذكر.. ضحكتـــك من تمريـــن

افــراق عادي ماابي غيــر الاخبــــار

::::::نفسي اعرف بغيبتي وش تسوين؟؟